IANUARIUS
S. HILARII, EPISCOPI ET ECCLESIÆ DOCTORIS
Pictavii natus est initio sæculi IV; circa annum 350 episcopus suæ civitatis electus, contra Arianos strenue pugnavit et a Constantio imperatore exsilio mulctatus est. Opera edidit sapientia et doctrina referta ad fidem catholicam firmandam et sacram Scripturam interpretandam. Mortuus est anno 367.
De Communi Pastorum: pro episcopis, et Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
De Communi Doct. Ad Laudes matutinas
De Communi Doct. Ad II Vesperas
Oratio
Præsta, quæsumus, omnípotens Deus, ut divinitátem Fílii tui, quam beátus Hilárius epíscopus constánter asséruit, et conveniénter intellégere valeámus, et veráciter profitéri. Per Dóminum.
S. ANTONII, ABBATIS
Memoria
Inclitus pater monachorum natus est in Ægypto circa annum 250. Parentibus defunctis, bona pauperibus distribuit et in solitudinem recessit ibique vitam pænitentem agere cœpit. Multos habuit discipulos; pro Ecclesia laboravit, confessores sustinens in persecutione Diocletiani, et sanctum Athanasium contra Arianos adiuvans. Mortuus est anno 356.
De Communi Sanctorum Virorum: Pro Religiosis.
De Communi PR Ad Invitatorium
De Communi PR Ad Officium lectionis
Lectio altera
De Communi PR Ad Laudes matutinas
De Communi PR Ad II Vesperas
Oratio
Deus, qui beáto António abbáti tribuísti mira tibi in desérto conversatióne servíre, eius nobis interventióne concéde, ut, abnegántes nosmetípsos, te iúgiter super ómnia diligámus. Per Dóminum.
(Eodem die S. Sebastiani)
S. FABIANI, PAPÆ ET MARTYRIS
Anno 236 episcopus Ecclesiæ Romanæ electus, anno 250 martyrio coronatus est, initio persecutionis Decii, ut testatur sanctus Cyprianus, et in cœmeterio Callisti sepultus est.
De Communi Martyris, vel Pastorum: pro papis.
Ad Invit. de Com. Mart. vel Past.
Ad Off. lect. de Com. Mart. vel Past.
Lectio altera
Ad Laud. mat. de Com. Mart. vel Past.
Ad II Vesp. de Com. Mart. vel Past.
Oratio
Deus, tuórum glória sacerdótum, præsta, quæsumus, ut beáti Fabiáni mártyris tui interveniénte suffrágio, eiúsdem proficiámus fídei consórtio dignóque servítio. Per Dóminum.
Eodem die 20 ianuarii
Romæ martyr occubuit initio persecutionis Diocletiani. Eius sepulcrum, via Appia ad Catacumbas exstans, fideles iam ab ultima antiquitate veneratione prosecuti sunt.
De Communi Martyris.
De Communi Mart. Ad Invitatorium
De Communi Mart. Ad Officium lectionis
Lectio altera
De Communi Mart. Ad Laudes matutinas
De Communi Mart. Ad II Vesperas
Oratio
Præsta nobis, quæsumus, Dómine, spíritum fortitúdinis, ut, glorióso exémplo beáti Sebastiáni mártyris tui edócti, tibi magis quam homínibus obœdíre discámus. Per Dóminum.
S. AGNETIS, VIRGINIS ET MARTYRIS
Memoria
Altera medietate sæculi III, vel probabilius initio sæculi IV, Romæ martyr occubuit. Papa Damasus eius sepulcrum carmine ornavit, multique Patres, post Sanctum Ambrosium, eam laudationibus prosecuti sunt.
De Communi Martyris, vel Virginum.
Ad Invit. de Com. Mart. vel Virg.
Ad Off. lect. de Com. Mart. vel Virg.
Hymnus
Lectio altera
Ad Laudes matutinas
Ad Vesperas
Oratio
Omnípotens sempitérne Deus, qui infírma mundi éligis ut fórtia quæque confúndas, concéde propítius, ut, qui beátæ Agnétis mártyris tuæ natalícia celebrámus, eius in fide constántiam subsequámur. Per Dóminum.
S. VINCENTII, DIACONI ET MARTYRIS
Vincentius, diaconus Ecclesiæ Cæsaraugustanæ, in persecutione Diocletiani, Valentiæ in Hispania acerbis cruciatibus traditus, martyr occubuit. Eius cultus statim per Ecclesiam diffusus est.
De Communi Martyris.
De Communi Mart. Ad Invitatorium
De Communi Mart. Ad Officium lectionis
Lectio altera
De Communi Mart. Ad Laudes matutinas
De Communi Mart. Ad II Vesperas
Oratio
Omnípotens sempitérne Deus, tuum in nobis Spíritum cleménter infúnde, ut corda nostra ea dilectióne válida potiántur, per quam sanctus martyr Vincéntius ómnia córporis torménta devícit. Per Dóminum.
S. FRANCISCI DE SALES, EPISCOPI ET ECCLESIÆ DOCTORIS
Memoria
In Sabaudia anno 1567 natus est. Sacerdotio initiatus multa operatus est pro restauratione catholica in patria sua. Episcopus Genevensis electus, verum pastorem se præbuit erga clericos et fideles, ad fidem eos informans scriptis et operibus, exemplar omnibus factus. Mortuus est Lugduni, die 28 decembris anni 1622, sed hac die Annesii depositus.
De Communi Pastorum: pro episcopis, et Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
De Communi Doct. Ad Laudes matutinas
De Communi Doct. Ad II Vesperas
Oratio
Deus, qui ad animárum salútem beátum Francíscum epíscopum ómnibus ómnia factum esse voluísti, concéde propítius, ut, eius exémplo, tuæ mansuetúdinem caritátis in fratrum servítio semper ostendámus. Per Dóminum.
IN CONVERSIONE S. PAULI, APOSTOLI
Festum
SS. TIMOTHEI ET TITI, EPISCOPORUM
Memoria
Timotheus et Titus, discipuli et adiutores apostoli Pauli, alter Ecclesiæ Ephesinæ præfuit, alter vero Cretensi. Ad eos scriptæ sunt epistolæ quæ pastorales vocantur et in quibus optimæ continentur admonitiones pro pastorum et fidelium institutione.
De Communi Pastorum: pro episcopis.
De Communi Past. Ad Invitatorium
De Communi Past. Ad Officium lectionis
Lectio altera
Ad Laudes matutinas
Ad Vesperas
Oratio
Deus, qui beátos Timótheum et Titum apostólicis virtútibus decorásti, utriúsque intercessióne concéde, ut, iuste et pie vivéntes in hoc sæculo, ad cæléstem mereámur pátriam perveníre. Per Dóminum.
S. ANGELÆ MERICI, VIRGINIS
Circa annum 1470 nata est Desentiani in dicione Veneta. Tertii Ordinis sancti Francisci habitum sumpsit et puellas convocavit, quas in operibus caritatis instrueret. Anno 1535 Brixiæ, sub nomine S. Ursulæ, societatem instituit mulierum ad puellas pauperes erudiendas in vita christiana. Mortua est anno 1540.
De Communi Virginum, vel Sanctarum Mulierum: Pro Educatoribus.
Ad Invit. de Com. Virg. vel S. Mulierum
Ad Off. lect. de Com. Virg. vel Pro Ed.
Lectio altera
Ad Laud. mat. de Com. Virg. vel Pro Ed.
Ad II Vesp. de Com. Virg. vel Pro Ed.
Oratio
Pietáti tuæ, quæsumus, Dómine, nos beáta virgo Angela commendáre non désinat, ut, eius caritátis et prudéntiæ documénta sectántes, tuam valeámus doctrínam custodíre et móribus profitéri. Per Dóminum.
S. THOMÆ DE AQUINO, PRESBYTERI ET ECCLESIÆ DOCTORIS
Memoria
Natus est circa annum 1225 ex familia comitum Aquinatum. Prius in monasterio montis Casini, deinde Neapoli studiis incubuit; postea, inter Fratres Prædicatores adscitus, ea Parisiis et Coloniæ, magistro sancto Alberto Magno, complevit. Multa erudite scripsit aliosque docuit, de disciplinis philosophicis et theologicis optime meritus. Mortuus est prope Tarracinam die 7 martii 1274. Eius memoria die 28 ianuarii colitur, qua die corpus eius Tolosam translatum est anno 1369.
De Communi Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
Ad Laudes matutinas
Ad Vesperas
Oratio
Deus, qui beátum Thomam sanctitátis zelo ac sacræ doctrínæ stúdio conspícuum effecísti, da nobis, quæsumus, et quæ dócuit intelléctu conspícere, et quæ gessit imitatióne complére. Per Dóminum.
S. IOANNIS BOSCO, PRESBYTERI
Memoria
Prope Castrum Novum (Castelnuovo) in diœcesi Taurinensi natus est anno 1815; pueritiam egit asperam et, sacerdos factus, ad iuvenum educationem omnes vires contulit atque Congregationes fundavit, quæ artes et vitam christianam eos docerent. Opuscula etiam scripsit ad religionem tuendam et defendendam. Mortuus est anno 1888.
De Communi Pastorum: pro presbyteris, vel Sanctorum Virorum: Pro Educatoribus.
Ad Invit. de Com. Past. vel S. Virorum
Ad Off. lect. de Com. Past. vel Pro. Ed.
Lectio altera
Ad Laud. mat. de Com. Past. vel Pro Ed.
Ad II Vesp. de Com. Past. vel Pro Ed.
Oratio
Deus, qui beátum Ioánnem presbýterum adulescéntium patrem et magístrum excitásti, concéde, quæsumus, ut, eódem caritátis igne succénsi, ánimas quærere tibíque soli servíre valeámus. Per Dóminum.