1. Ad Benedictus, ant. Beatíssimæ Vírginis Maríæ commemoratiónem devotíssime celebrémus, ut ipsa pro nobis intercédat ad Dóminum Iesum Christum.

2. Ad Benedictus, ant. Benedícta es tu, Virgo María, a Dómino Deo excélso, præ ómnibus muliéribus super terram.

3. Ad Benedictus, ant. Per te, immaculáta Virgo, nobis est vita pérdita data, quæ de cælo suscepísti prolem et mundo genuísti Salvatórem.

4. Ad Benedictus, ant. Ave, María, grátia plena; Dóminus tecum; benedícta tu in muliéribus, allelúia.

5. Ad Benedictus, ant. Sancta et immaculáta Maríæ virgínitas, quibus te láudibus éfferam néscio, quia per te Redemptórem nostrum suscépimus, Dóminum nostrum Iesum Christum.

6. Ad Benedictus, ant. Tu glória Ierúsalem, tu lætítia Israel, tu honorificéntia pópuli nostri.

---

---

---