Nóbiles Christi fámulas disérta voce cantémus, decus æmulátas féminæ fortis, sacra cui profúdit página laudes.
Non eas mundus láqueis revíncit, iussa quæ Patris súbeunt voléntes, ut bonum Christi sátagant ubíque spárgere odórem.
Edomant corpus, precibúsque mentem nútriunt sanctis; peritúra temnunt lucra, ut inquírant sibi permanéntis præmia vitæ.
Sit Deo soli decus et potéstas, laus in excélsis honor ac perénnis, qui suis totum móderans gubérnat légibus orbem. Amen.