zcps-himnos51 Christe, cunctórum sator et redémptor,
síderum, terræ, maris atque rector,
ómnium laudes tibi personántum
solve reátum,
Vase qui gemmas frágili recóndis,
víribus fluxas ánimo pudícas
féminas reddens faciénsque claros
ferre triúmphos.
Quas et in sensu téneras vidémus,
prærogatíva mériti corónas,
íncolas regni facis et perénnes
esse supérni.
Sit Patri summo decus atque virtus,
laus tibi Nato celebrísque cultus,
Flámini Sancto párilis potéstas
nunc et in ævum. Amen.